Могілкі Лошыца

кладбище Лошица

Могілкі «Лошыца» пачалі сваё існаванне ў 1821 г., як вясковыя праваслаўныя могілкі (1). У савецкі час яны сталі змешанымі, бо знікла традыцыя асобнага пахавання адпаведна канфесіянальнай прыналежнасці. Плошча некропаля – 0,6809 га. Месцазнаходженне: паміж вуліцай Убарэвіча, вуліцай Карзюкі і праездам Галадзеда. У 1972 г. могілкі сталі мінскімі пасля частковага ўваходу вёскі Лошыца і поўнага ўваходу вёскі Карзюкі ў склад беларускай сталіцы. Адносяцца да катэгорыі дзеючых і маюць месца для новых пахаванняў, але фактычна з'яўляюцца абмежавана дзеючымі (як і на ішых былых вясковых могілках з невялікай плошчай тут звычайна робяць падхаванне да сваякоў 1-2 разы на год. Адміністрацыя могілак знаходзіцца на Чыжоўскіх могілках (2), і без яе дазволу тут нельга нікога пахаваць. Недалёк ад Лошыцкіх могілак ёсць філіял рытуальнага магазіна спецкамбіната КБА па адрасе Убарэвіча, 56.

Галоўны ўваход на могілкі. Ёсць яшчэ некалькі дадатковых. _{Фота А. Берастоўскага. Снежань 2017 г.}

План-схема могілак. _{Фота А. Берастоўскага. Снежань 2017 г.}

Від з боку вуліцы Убарэвіча. _{Фота А. Берастоўскага. Снежань 2017 г.}

Помнік на сямейным участку ў форме кнігі. _{Фота А. Берастоўскага. Снежань 2017 г.}

Новыя пахаванні звычайна можна пазнаць па драўляным крыжы. _{Фота А. Берастоўскага. Снежань 2017 г.}

Магіла Міхаіла Хмялеўскага. Пахаванне 1874 г. Жалезны крыж. Надпіс рэстаўраваны. На гэтых могілках ёсць яшчэ некалькі помнікаў пахаванняў пачатку ХХ ст.
_{Фота А. Берастоўскага. Снежань 2017 г.}

Магіла 1914 года Таццяны Зенкевіч з надпісам дарэвалюцыйным рускім првапісам. Дарэчы прозвішча Зенкевіч і Камінскі даволі распаўсюджаны на гэтых могілках, што характэрна для былых вясковых некропаляў. _{Фота А. Берастоўскага. Снежань 2017 г.}

На недагледжаныя з пункту гледжання адміністрацыі могілак магілы з 2016 г. размяшчаюць такія цэклікі з папярэджаннем навесці парадак на пахаванні. У выпадку ігнору ці адмовы штосьці змяніць з боку сваякоў ці іншых даглядчыкаў пахавання Спецкамбінат КБА дэмантуе помнік, крыж і агароджу і замяняе іх квадратным тыпавым помнікам за кошт дзяржавы. _{Фота А. Берастоўскага. Снежань 2017 г.}

Дзіцячае пахаванне з эпітафіяй «Ігар. 1 год». _{Фота А. Берастоўскага. Снежань 2017 г. (3)}

Дадатковая інфармацыя:
(1) Старонка «Кладбища Минска», доступ: http://ry.by/ritualnyeuslugi/kladbiwe/
(2) Раздзел «Лошица» на сайце Спецкамбіната КБА, доступ: https://ritual-minsk.by/loshica
(3) Фотаздымкі ўзятыя са старонкі «Могілкі Лошыца: мінулае і сучаснасць сярод рванага снегу» на сайце «Блог Андрэя Берастоўскага» (усяго 31 фота), доступ: http://berastouski.blogspot.com/2017/12/blog-post_19.html

Могілкі Лошыца

Читайте еще