Гімн горада Мінска

Гімн горада Мінска зацверджаны рашэннем Мінскага гарадскога Савета дэпутатаў ад 24.10.2001 №207 "Аб гімне горада Мінска - Сталіцы Рэспублікі Беларусь".

Палажэнне аб гімне горада Мінска

1. Гімн горада Мінска - сталіцы Рэспублікі Беларусь (далей - гімн горада Мінска) з'яўляецца сімвалам сталіцы Рэспублікі Беларусь. Глыбокая павага да гімна горада Мінска - патрыятычны абавязак кожнага жыхара сталіцы Рэспублікі Беларусь.

2. Гімн горада Мінска выконваецца:

2.1. пры адкрыцці і закрыцці сесій Мінскага гарадскога Савета дэпутатаў, сходаў і паседжанняў Мінскага гарадскога выканаўчага камітэта, прысвечаных дзяржаўным святам Рэспублікі Беларусь;

2.2. штодня перад пачаткам і заканчэннем перадач гарадскіх тэлевізійных і радыёстанцый;

2.3. пры адкрыцці помнікаў, манументаў, абеліскаў і іншых збудаванняў у адзначэнне важнейшых гістарычных і грамадска-палітычных падзей горада Мінска.

2.4. пры ўручэнні гораду Мінску дзяржаўных узнагарод Рэспублікі Беларусь. Пры ўручэнні раёну, арганізацыям дзяржаўных узнагарод Рэспублікі Беларусь і ўзнагарод Мінскага гарадскога Савета дэпутатаў і Мінскага гарадскога выканаўчага камітэта;

2.5. пры ўзняцці сцяга горада Мінска падчас цырымоній і іншых урачыстых мерапрыемстваў, якія праводзяцца гарадскімі дзяржаўнымі і грамадскімі органамі і арганізацыямі.

2.6. пры сустрэчы і праводзінах наведваючых горад Мінск з афіцыйным візітам кіраўнікоў заканадаўчай і выканаўчай улад сталіц замежных краін - пасля выканання гімна сталіцы адпаведнай замежнай дзяржавы.

3. Гімн горада Мінска можа выконвацца ў іншых выпадках па рашэнні прадстаўнічай і выканаўчай улад сталіцы, гарадскіх і раённых дзяржаўных і грамадскіх органаў, кіраўнікоў арганізацый з прытрымліваннем патрабаванняў дадзенага Палажэння.

4. Пры выкананні нараўне з Дзяржаўным гімнам Рэспублікі Беларусь гімн горада Мінска выконваецца пасля яго.

5. Гімн горада Мінска можа выконвацца ў аркестравым, харавым, аркестрава-харавым альбо іншым вакальным і інструментальным варыянце. Могуць выкарыстоўвацца сродкі гуказапісу.

У выпадках вакальнага і вакальна-інструментальнага выканання гімн горада Мінска выконваецца цалкам, а ў выпадках інструментальнага выканання дапускаецца частковае выкананне гімна горада Мінска - прайграваецца запеў і прыпеў адзін раз.

6. Гімн горада Мінска павінен выконвацца ў дакладнай адпаведнасці з зацверджанымі тэкстам і музыкай.

7. Пры публічным выкананні гімна горада Мінска прысутнічыя выслухоўваюць яго стоячы, мужчыны здымаюць галаўны ўбор, вайскоўцы прыкладаюць да яго руку.

8. Правілы выканання гімна горада Мінска ў вайсковых частках, органах унутраных спраў, навучальных установах, пры правядзенні гарадскіх святаў, фэстаў, конкурсаў, спартыўных спаборніцтваў, пры правядзенні арганізацыямі мерапрыемстваў на тэрыторыі замежных дзяржаў усталёўваюцца, зыходзячы з патрабаванняў дадзенага Палажэння.

9. Назіранне за дакладным выкананнем дадзенага Палажэння ўскладаецца на кіраўнікоў гарадскіх і раённых дзяржаўных і грамадскіх органаў і арганізацый.

Тэкст гімна горада Мінска

Словы I. Панкевiча
Музыка У. Алоўнiкава